Нүүрсний үнийн уналт богино хугацаанд үргэлжлэх төлөвтэй байна. Эрчим хүчний нүүрсний үнэ сүүлийн 10 жилийн доод түвшинд хүрч унах магадлал өндөр байгааг Хятадын Нүүрсний тээвэр, түгээлтийн нийгэмлэгийн мэргэжилтнүүд дүгнэжээ.

Хятадын эрэлт сул байгаагаас шалтгаалан нүүрс олборлогч “Гленкор” зэрэг томоохон компаниуд гарцаа танаж байгаа нь ч үнийн уналтад нөлөөлж байна. Түүнчлэн дунд хугацаандаа Хятад, Америкийн худалдааны дайн нөлөөлөх эрсдэл байна гэж дүгнэж байна. Хэрэв Хятадын засаг захиргаа эдийн засгаа дэмжих бодлого баримталсан тохиолдолд урт хугацаанаа нүүрсний салбар сэргэж, нүүрсний үнэ нэмэгдэх хүлээлттэй байгаа юм.