Туркийн Засгийн газар тус улсын түүх, соёлын үнэт өв Софийн цогчин дуганыг сэргээн засварлахаар болжээ. Ингэснээр 1500 гаруй жилийн түүхтэй энэхүү барилга анх адуугаа бүрэн хэмжээнд сэргээн засварлагдах гэж байна. Бөмбөгөр оройн дотор талын шигтгэмлийг гэмтээхгүй тулд гадна талаас нь засварлах бөгөөд бөмбөгөр оройн ган дамнуургыг иж бүрэн сольж, шигтгэмлийг тусгай бодис түрхэж хамгаалах юм. Түүнчлэн үндсэн дөрвөн багана дээр 45.3 метр өндөр ган тавцан суурилуулах юм байна.

Туркийн Соёл, аялал жуулчлалын яамны мэдээлснээр өнгөрсөн 10 жилийн турш сэргээн засварлах ажил үргэлжилж байгаа аж. Үндсэн үйл ажиллагааг нь зогсоохгүйгээр жижиг засваруудыг хийж иржээ.

Софийн цогчин дуганыг Ромын эзэн хаан I Юстинианы хаанчлалын үед буюу 537 онд барьж дуусгасан юм. Улмаар 1204 онд энэ сүм Үнэн алдартны сүм болж, дараа нь 1220-1261 он хүртэл Загалмайтны дөрөв дэх байлдан дагууллын үед Католик шашны сүм болж байсан түүхтэй. Гэсэн ч 1261 оноос дахин Үнэн алдартны сүм болж 1453 оныг хүртэл оршин тогтносон юм. Османы султан Мехмет засгийн эрхэнд гармагцаа энэ сүмийг муслим шашны сүм болгожээ. Бүр хожим нь 1934 онд Бүгд найрамдах Турк улсыг үндэслэгч Мустафа Кемал Ататюрк энэ сүмийг музей болгон тохижуулж байв. Улмаар 2020 оноос хойш муслим шашны сүмийн хэлбэрээр үйл ажиллагаа явуулж байна.