Трампын мэдэгдэлтэй холбоотойгоор хөрөнгийн зах зээл, долларын ханш унахтай зэрэгцээд өөрийнх нь үнэлгээ ч унасан дүр зурагтай байна. АНУ-ын Ерөнхийлөгч Дональд Трампын олон нийтийн үнэлгээ сүүлийн зургаа хоногийн хугацаанд 42% болсон нь хоёр дахь бүрэн эрхийнх нь хамгийн бага үнэлгээ болж байна. Уг нийтийн үнэлгээг “Ipsos” судалгааны байгууллага явуулжээ.

Хамгийн сүүлд өнгөрсөн гуравдугаар сард түүний рейтинг 45%-д хүрээд байсан юм. Судлаачид түүний рейтинг унасныг хэд, хэдэн хүчин зүйлтэй холбон тайлбарлаж байна. Эхнийнх нь радикал либерал бодлого. Тэрбээр их, дээд сургуулиудын буцалтгүй тусламжийг цуцалж, Боловсролын яамыг татан буулгасантай холбоотойгоор унажээ. Хоёрдугаарт, эдийн засаг, санхүүгийн хэт хатуу бодлого, тэр дундаа хөрш зэргэлдээ Мексик, Канад улсад татвар оноож, БНХАУ-тай худалдааны дайныг улам хурцатгасан нь ийнхүү олон нийтийн үнэлгээ нь унахад нөлөөлсөн гэж дүгнэсэн байна.

Судалгаанд оролцогсдын 59 хувь нь АНУ дэлхий даяар нэр хүндээ алдаж байна гэж дүгнэжээ. Уг судалгаанд АНУ-ын насанд хүрсэн 5000 гаруй хүн хамрагдсан байна.