Ойрын өдрүүдэд ихэнх нутгаар хур тунадас орж сэрүүсэх төлөвтэй байгаа тул жолооч тээвэрчид та бүхэнд орон нутгийн замд аюулгүй байдлаа сайтар ханган болгоомжтой зорчихыг сануулж байна. 
2025 оны 05 дугаар сарын 04-нд Завхан аймгийн Солонготын даваанд их хэмжээний цас орж, мөстөж халтиргаа гулгаа үүссэн тул “Завхан АЗЗА” компанийн ажилчид зорчих хэсгийн цасыг хусаж шуурхай хариуцлагатай ажилласан байна. 
Мөн Тосонцэнгэл сум дахь Онцгой байдлын хэлтсийн 9 алба хаагч, 2 техниктэйгээр ажиллаж тухайн даваанд саатсан 24 автомашин, 96 зорчигчийн аюулгүй байдлыг бүрэн хангаж ажиллажээ.