ОХУ-ын Чеченийн бүгд найрамдах улсын тэргүүн Рамзан Кадыров ОХУ-ын Ерөнхийлөгч Владимир Путинтэй уулзаж огцорвол хэрхэх тухайгаа асуужээ. Үнэхээр ийм боломж байгаа эсэх, хэрэв огцорвол залгамжлагчаар нь хэнийг сонгох тухай ч хэлэлцсэн байна. “Чечьня Сейчас” хэвлэлд өгсөн ярилцлагадаа тэрбээр “Одоо огцруулах эсэх асуудлыг Владимир Путин шийднэ” гэж мэдэгджээ.

ОХУ-ын Чеченийн бүгд найрамдах улсын тэргүүний суудалд тэрбээр 2007 онд заларсан юм. Түүнийг засгийн эрхэнд гарснаас эрүү шүүлт тулгах, шүүх ажиллагаагүйгээр өрсөлдөгчдөө хороох, улс төрийн шийтгэлийн гол талбар нь болсон гэж барууныхан үздэг. Гэвч үүнийг Путин ч, Кадыров ч эрс үгүйсгэсээр ирсэн. Оросын зарим хэвлэлүүд Рамзан Кадыровын нойр булчирхайн архаг үрэвсэл хүндэрсэн гэж мэдээлдэг. Гэвч тодорхой мэдээлэл байхгүй. Өнгөрсөн хоёр жилийн хугацаанд түүний бага хүүн Адамыг залгамжлагчийнх нь нэг байх магадлалтай гэж мэдээлж буй.

Түүнийг огцрох тухай яриа шинэ зүйл биш. Анх 2016 онд энэ тухай хөндөгдөж дараа нь 2017, 2022 онуудад яг энэ асуудлаар Путинтэй уулзаж байсан юм. Гэвч ОХУ-ын Ерөнхийлөгч түүнийг огцруулахгүй өнөөг хүрсэн билээ.