БНСУ-д хэрэгжүүлж байгаа хиймэл нарны төслийн туршилт амжилттай болж, шинэ дээд амжилт тогтоожээ. Эрдэмтдийн үүсгэсэн плазма гогцоог идэвхжүүлэхэд супер халуун үүсэж, 48 секундын турш Фаренгейтийн 180 хэм буюу Цельсийн 100 сая хэм хүртэл халжээ. Дэлхий дээр өмнө нь цөөн удаа хиймэл нар туршиж үзсэн ч ийм хугацаанд хүртэл удаан тэссэн удаагүй юм. Үүнийг амьдрал тэтгэгч нарны гадаргуу дахь халуунтай харьцуулахад 16,666 дахин их халуун гэсэн үг. Солонгосын супер дамжуулагчийн Токамак дэвшилтэт судалгааны хүрээнд 2021 онд реакторт хийсэн туршилтаар 31 секунд байсныг ийн шинэчилжээ. Хэдийгээр энэ нь жижигхэн ололт ч гэлээ хзягааргүй цэвэр энерги гарган авахад ойртсон томоохон харайлт гэж эрдэмтэд тайлбарлалаа.