Улс төр

Бүгд найрамдах Узбекстан улсын Хөрөнгө оруулалт, аж үйлдвэр, худалдааны дэд сайд И.Касимовыг хүлээн авч уулзлаа

2024/08/23
Бүгд найрамдах Узбекстан улсын Хөрөнгө оруулалт, Аж үйлдвэр, худалдааны дэд сайд И.Касимов, Хөрөнгө оруулалт, аж үйлдвэр, худалдааны яамны БНХАУ дахь төлөөлөгчийн газрын орлогч захирал Р.Гиёсов нарын зүгээс Уул уурхайн салбар, тэр дундаа геологи, хайгуулын салбарт Узбекстан улс туршлагатайг онцлон тэмдэглээд, зэсийн олборлолтоор ойрын таван жилдээ дэлхийд тэргүүлэхийг эрмэлзэж, зэсийн олборлолтын ордын хайгуул хийх ажлыг эрчимтэй хэрэгжүүлж байгаа талаар танилцуулав.
2023 оны 3-р сард Монгол, Узбекстан улсын Засгийн газар хоорондын хамтын ажиллагааны гэрээ байгуулсныг дурдаж, геологийн салбарын хэлэлцээр, баримт бичиг байгуулж, салбарын хамтын ажиллагаагаа өргөжүүлэх саналтай байгаагаа илэрхийлэв.
Аж үйлдвэр, Эрдэс баялгийн яамны газрын дарга Э.Батболд, Х.Санчигдорж, хэлтсийн дарга Г.Намчинсүрэн нарын зүгээс уул уурхайн салбар бол манай улсын тэргүүлэх ач холбогдол бүхий салбар гэдгийг онцлоод, байгалийн нөөц бүхий стратегийн ач холбогдолтой орд газруудыг нээн илрүүлэхээр геологийн судалгаанд анхаарлаа хандуулж байгааг тэмдэглэв. Мөн геологийн судалгааны ажлын тендер нээлттэй явагддаг учир гадна, дотнын хайгуулын чиглэлээр үйл ажиллагаа явуулдаг байгууллага, аж ахуй нэгжүүд оролцох боломжтой гэдгийг тэмдэглэв.
Түүнчлэн Монгол, Узбекстан улсууд нь газар зүйн байршил адил төстэй учир хамтарсан геологийн судалгааны ажлыг хийх боломжтой бөгөөд энэ чиглэлээр хамтран ажиллах саналыг хүргүүлж байгаагаа Аж үйлдвэр, Эрдэс баялгийн яамны зүгээс илэрхийлэв.

Холбоотой мэдээ

Энэ онд гадаадын улс орнуудад оргон зайлсан, эрэн сурвалжлагдаж байсан 37 этгээдийн байршлыг тогтоож, Монгол Улсад авчирсан байна
АМГТГ болон БНСУ-ын “Комир” корпораци хамтын ажиллагааны санамж бичиг баталгаажууллаа
Олон улсын хүүхдийн спортын наадамд оролцох баг тамирчдыг үдэн гаргах ёслол болов

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0