БНХАУ-д 2016 онд үүсгэн байгуулагдсан “Unitree Robotics” компанийн инженер, эрдэмтэд хамтран дэлхийн хамгийн хурдан хүн дүрст роботыг зохион бүтээжээ. Компанийн зүгээс “Н1” загварын код бүхийн “Evolution V3.0” робот нь хоёр хөл дээрээ явдаг, 1.8 метр өндөр, 50 кг жин татах робот зохион бүтээжээ. Уг роботын дээд хурд нь туршилтын явцад 3.3 метр байсан бөгөөд бүрэн хүчин чадлаар ажиллабал 5 метр секунд хүрнэ гэж судалгааны тайланд дурджээ.

Энэхүү хүн дүрст роботыг ачиж буулгах үйлдэл хийх, үйлдвэрийн дамжлагад ашиглаж болохоор зохион бүтээсэн байна. Түүнчлэн хүний биеийн бүтцээс санаа авч хийсэн тул шатаар өгсөж, буух, урагш авирах, арагшаа болон хажуу тийшээ хөдөлгөөн хийж болох юм байна. Тус компани ойрын хугацаанд энэ бүтээгдэхүүнийг зах зээлд нийлүүлэх, үйлдвэрлэлд ашиглахаар төлөвлөж байгаа юм.

БНХАУ-ын Коммунист намын ойрын таван жилийн төлөвлөгөөнд дурдсанаар технологийн дэвшлийг улс ардын аж ахуйд нэвтрүүлэх зорилт тавьсан бөгөөд Хятадын зах зээлд тэргүүлэгч зургаан компани энэ төрлийн роботыг хөгжүүлж байна.