Газрын тос “Гунвор” группийн захирал Блумберг агентлагт өгсөн ярилцлагадаа Украины саяхны явуулсан нисгэгчгүй дронын дайралтаас үүдэн ОХУ өдөр бүр 600 мянган баррел газрын тос боловсруулах хүчин чадлаа алдсан гэж мэдэгджээ.

Өнгөрсөн долоо хоногт Украины арми оросын нефтийн үйлдвэрийн байгууламж руу дронын халдлага хэд, хэдэн удаа үйлдсэн юм. Түүгээр ч үл барах ОХУ-ын нутгийн гүн рүү газрын тос боловсруулах үйлдвэрүүдэд халдсан нь дэлхий нийтийн анхаарлыг татсан билээ. Украины аюулгүй байдлын албаны мэдээлснээр Оросын газрын тос боловсруулах 12 үйлдлвэрт халдлага үйлдээд байна.

Гунвор групп нь Украиныг бүхэлд нь эзлэн түрэмгийлэхээс өмнө Оросын нефтийн томоохон түгээгч байсан боловч цэргийн ажиллагаа эхэлснээс хойш үйл ажиллагаа явуулахаа зогсоосон юм. Энэхүү дронын халдлага, боловсруулах үйлдвэрийн чадамжид нөлөөлснөөр төв азийн бүс нутаг болон ОХУ-тай найрамдалт харилцаатай орнуудад түгээлт тасалдаж болзошгүй гэдгийг мэргэжилтнүүд анхааруулжээ.