Нийгэм

Монгол Улсын Төрийн албаны зөвлөлийн ажлын хэсэг Увс аймагт ажиллаж байна

2024/03/22
Монгол Улсын Төрийн албаны зөвлөлийн даргын 43 дугаар тушаалаар байгуулагдсан ажлын хэсэг 2024 оны гуравдугаар сарын 21-22-ны өдрүүдэд Увс аймгийн төв Улаангом хотод ажиллаж байна.
 
Төрийн албаны зөвлөлийн гишүүн, Ёс зүйн хорооны гишүүн Б.Идэрчулуун ахлагчтай ажлын хэсэг Увс аймгийн Засаг дарга Ч.Чимэдтэй уулзаж, Төрийн албаны зөвлөлөөс зохион байгуулсан хяналт, шалгалтын мөрөөр авсан арга хэмжээний хэрэгжилтийн талаар мэдээлэл авч, хуулийн хэрэгжилтийг сайжруулах асуудлаар харилцан санал солилцлоо.
 
Өнөөдөр тус аймгийн хөгжимт драмын “Ойрад” театрт “Төрийн албаны шинэтгэл”, “Төрийн албан хаагчийн ёс зүйн тухай хууль, тогтоомж”-ийг хэрэгжүүлэх чиглэлээр төрийн албан хаагчдад сургалт зохион байгууллаа. Сургалтад 200 гаруй албан хаагч хамрагдав.
 
Ажлын хэсэг Увс аймгийн ИТХ-ын ажлын алба, аймгийн Засаг даргын тамгын газар, Засаг даргын эрхлэх асуудлын хүрээний агентлаг, төрийн албаны салбар зөвлөл, ёс зүйн дэд хорооны албан хаагчдын ажилтай танилцаж, тодорхой чиглэлүүдээр хяналт, шалгалт хийж, мэдээлэл, зөвлөгөө өглөө гэж Монгол Улсын Төрийн албаны Зөвлөлөөс мэдээллээ. 

 

Холбоотой мэдээ

Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт, өөрчлөлт оруулах тухай хуулийн төсөл хэлэлцэхийг дэмжив
Владимир Путин Украинтай хийж буй дайнаа өргөжүүлэхээр төлөвлөж байна
Гачуурт, Хуандайн амны хэрэглэгчдийн цахилгаан хангамжийг сайжруулна

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0