Орос-Украины цэрэг дайны ажиллагаа эхлээд 1000 өдөр болжээ. Энэ хугацаанд Украины талаас анх удаагаа АНУ-д үйлдвэрлэсэн ATACMS алсын тусгалтай пуужингаар ОХУ руу харвасан байна. АНУ-ын Ерөнхийлөгч Жо Байден бүрэн эрхээ дуусахаас өмнө алсын тусгалтай пуужингаар ОХУ-д харвах зөвшөөрөл олгосноос хойш ийнхүү анх удаагаа хил дамнан харважээ.

ОХУ-ын Батлан хамгаалах яамны мэдээлснээр харвалр Украины тал орон нутгийн цагаар мягмар гарагийн 03.25 цагт Бръянск дахь байгууламж руу зургаан баллистик пуужин харвасан байна. Энэхүү халдлага нь Украин улс ОХУ-ын нутгийн гүн рүү харвах өндөр эрсдэл бий болж байгааг анхааруулсан үйл явдал боллоо. ОХУ-ын эрх баригчид АНУ-ын энэхүү шийдвэр нь цэргийн ажиллагааг шинэ шатанд гаргаж, илүү хурцадмал байдал үүсгэсэн гэж шүүмжилж байна.

Украин улс алсын тусгалтай пуужин харваж байхтай зэрэгцэн ОХУ-ын Ерөнхийлөгч Цөмийн номлолоо шинэчилж, цөмийн довтолгооноос хамгаалах зөөврийн хорогдох байр үйлдвэрлэж эхэлсэн тухай дэлхий дахинд зарласан юм.