Үндэсний статистикийн хорооны мэдээлэлд дурдсанаар улсын хэмжээнд энэ оны нэгдүгээр сарын байдлаар 1.7 сая хүн халамж үйлчилгээнд хамрагдаж байгаа аж. Энэ нь өмнөх оны мөн үеэс 526.4 мянгаар буурсан үзүүлэлт юм.

Тайлант хугацаанд нийгмийн халамжийн тэтгэвэр, тэтгэмж, тусламж үйлчилгээний хөнгөлөлтөд нэгүгээр сард 185.9 тэрбум төгрөг олгожээ. Энэ нь өнгөрсөн оны мөн үеийнхээс 36.1 тэрбум төгрөгөөр буурсан үзүүлэлт юм.

Ташрамд сануулахад эрх баригч Монгол ардын нам 2024 оны сонгуулийн мөрийн хөтөлбөрийн 1.5.43-т “Халамжаас хөдөлмөрт” бодлогын хүрээнд зорилтот бүлгийн иргэдийг тогтвортой ажилд зөвлөн чиглүүлэх, ур чадвар эзэмшүүлэх хөтөлбөрт хамруулан зуучлах үйлчилгээний тогтолцоог хөгжүүлнэ” гэж заасан байдаг билээ.