Мексикийн Ерөнхийлөгч Клаудиа Шейнбаум хайлтын системийн Google компанийг шүүхэд өгнө гэж мэдэгдлээ. Өнгөрсөн долоо хоногт “Google Map” үйлчилгээ нь “Мексикийн булан”-г нэрийг нь өөрчилж “Америкийн булан” гэж нэршсэн юм. Клаудиа Шейнбаум хэлэхдээ “Google компанийн үйлдэл бол хууль бус үйлдэл. Энэ нь АНУ-ын Ерөнхийлөгчийн мэдэгдэлтэй ч холбоогүй. Энэ нь Персийн булангийн нэрийг аль нэг улсын нэрээр өөрчилж байгаагаас өөрцгүй” гэсэн юм.

АНУ-ын Ерөнхийлөгч Дональд Трамп Америкийн булан гэж өөрчилж байгаа нь АНУ-ын эрэг дагуух усан хилтэй хамаатай гэж мэдэгдсэн. Гэхдээ газар зүйн байршлыг нэг улсынхаар нэрлэх нь байж боломгүй үйлдэл гэж Мексикийн засаг захиргаа үзэж байна. Хэрэв ойрын хугацаанд энэ нэршлээ засахгүй бол Мексикийн Ерөнхийлөгч иргэний нэхэмжлэл гаргана гэж мэдэгдлээ. Мексикийн тал өнгөрсөн нэгдүгээр сарын дундуур Google компанид захидал илгээж газар зүйн нэршлийг өөрчлөхийг эрс эсэргүүцэж байгаагаа илэрхийлсэн байна. Гэвч Google компанийн зүгээс энэхүү нэршил нь зөвхөн АНУ-ын хэрэглэгчдэд хамаатай гэсэн хариу илгээжээ.