“Эрдэнэс-Тавантолгой” ХК-ийн 2024 оны хоёрдугаар ээлжийн ногдол ашгийг иргэдийн дансанд өнөөдрөөс шилжүүлж эхэллээ. Ингэснээр 1072 хувьцаатай хүнд 100,000 төгрөг, 750 хувьцаатай бол 69,967 төгрөг шилжиж орох юм.

Сануулахад, "Эрдэнэс Тавантолгой" ХК-ийн 1072 хувьцааны 2024 оны ногдол ашгийн эхний 120 мянган төгрөгийг өнгөрсөн оны сүүлээр олгосон бол сар шинийн баяраас урьтаж иргэдийн дансанд үлдэгдэл 100 мянган төгрөг орж байгаа нь энэ. Харин үлдэгдэл 90 мянга гаруй төгрөгийг ирэх дөрөвдүгээр сард олгох юм.

Өнөөдрийн байдлаар 3.4 сая иргэн “Эрдэнэс Тавантолгой” ХК-ийн 1072 хувьцааг эзэмших эрхтэй байна. Энэ тоонд нас барсан иргэд ч багтаж байгааг мэргэжилтнүүд онцолж байсан юм.