Засгийн газрын өнөөдрийн хуралдаанаар “Нийтээр амрах баярын өдөр шилжүүлэх тухай” тогтоолын төслийг хэлэлцэж гуравдугаар сарын 3, 4, 5-ны даваа, мягмар, лхагва гарагт буюу шинийн 4, 5, 6-ны өдрүүдэд бүх нийтээр амрах шийвэр гаргалаа.

Бүх нийтийн амралтын өдөр болгон өөрчилсөн гурав хоногийг энэ ондоо багтаа аль ч үед нөхөж болох зохицуулалтыг төрийн бүх шатны байгууллагуудад үүрэг болгожээ.

Энэ жилийн тухайд Төгсбуянт зурхын тооллоор шинийн 1-ний өдөр тасарсан нь хуулийн хүрээнд ихээхэн маргаан дагуулж байсан юм. Хэрэв шилжүүлэх зохицуулалт хийгээгүй бол иргэд хоёр хоног шинэлээд ажилдаа орохоор байв. Харин дээрх зохицуулалт хийснээр ийнхүү тав хоног амрахаар боллоо. Цаашид сар шинийн баярын амралтыг нэмэхийг зарим иргэд, нэр бүхий улстөрчид нийгмийн сүлжээний орчинд илэрхийлсээр байгаа билээ.