Монгол Улс өнгөрөгч 2024 онд гаднын янз бүрийн улс орны 94,427 иргэнд цахим виз олгожээ. Үүнийг 2023 оны статистик мэдээлэлтэй харьцуулахад 2.9 дахин өссөн үзүүлэлт аж.

Монгол Улсын Засгийн газар 2028 оныг хүртэл аялал жуулчлалыг нэмэгдүүлэх бодлого баримталж байгаа бөгөөд ийнхүү өсөх болсон нь үүнтэй холбоотой гэж шинжээчид үзэж байна. Одоогоос дөрвөн жилийн өмнөөс буюу 2021 оны аравдугаар сарын 01-ний өдрөөс эхлэн цахим визний систем Монгол Улсд нэвтэрсэн билээ. Одоогоор Монгол Улсад зочин, бизнес, аялал жуулчлалын зорилгоор нэвтэрч буй гаднын 99 улс орон, газар нутгийн иргэд цахим виз авах бүрэн боломжтой юм.

Ташрамд дурдахад Монгол Улсад оршин суух зөвшөөрлийг гаднын 25.7 мянган иргэнд олгож, 40.9 мянган иргэний зөвшөөрлийг сунгажээ. Оршин суух зөвшөөрлийн олголт өмнөх оныхоос 9.2% өссөн байна.