Ирэх дөрөвдүгээр сарын 1-нээс эхлэн 18 насанд хүрсэн, “А” ангиллын тээврийн хэрэгслийн үнэмлэхтэй иргэн унаж замын хөдөлгөөнд оролцох журам мөрдөгдөж эхэлнэ. Ингэхдээ заавал улсын дугаар, толь, дохиотой байх ёстой гэсэн шаардлагыг тавьж эхлэх юм.

Журмын шинэчлэл нь хүүхдийг ослоос сэргийлэх зорилготой аж. Цахилгаан скутер болон сурронтой холбоотой зам тээврийн ослын тоо жил дараалан нэмэгдсээр байна. Тухайлбал, 2022 онд 232 хүүхэд энэ төрлийн осолд өртөж байсан бол 2023 онд энэ тоо 317 болж нэмэгджээ. Суррон болон скутертэй холбоотой эрх зүйн зохицуулалтгүй тул энэ төрлийн осол нэмэгдсээр ирсэн юм. Иймийн тул 2024 оны наймдугаар сард нийслэлээс сурроныг техникийн болон хурдны үзүүлэлтээр мотоциклтой адилтган үзэж “А” ангиллын жолоодох эрхийн үнэмлэхтэй хүн унахаар зохицуулах санал гаргасан юм.

Хэрэв энэ журмыг зөрчин 18 нас хүрээгүй хүн сурран унаж замын хөдөлгөөнд оролцвол Зөрчлийн тухай хуулиар 200 мянган төгрөгөөр торгох аж.