АНУ-ын засаг захиргаа сарын хэмжээг тогтоох, цаашдын үйл хэрэгт нааштай үр дүн гаргахын тулд 2026 оны эцэс гэхэд сарны цагийн бүс бий болгоно гэдгээ мэдэгдлээ. АНУ-ын Ерөнхийлөгчийн ажлын алба энэ чиглэлээр АНУ-ын Сансар судлалын агентлаг үүрэг оноожээ.

АНУ-ын Сансар судлалын агентлагаас дэвшүүлсэн Артемис хөтөлбөрийн хүрээнд хүн төрөлхтөн саран дээр урт хугацаанд оршин тогтнох шаардлага бий болох тул ийнхүү цагийн бүс тогтоох шаардлага урган гарчээ. АНУ-ын зүгээс сарны цагийн бүсчлэлийг “Сарны зохицуулсан цаг” гэж нэрлэж байна.

Сарны таталцал дэлхийнхээс бага. Тийм ч учраас саран дээр цаг нь өдөр бүр 58.7 микросекундээр хурдан өнгөрдөг. Хэдийгээр маш бага мэт санагдаж болох ч ирээдүйд сарыг колоничлох, суурьших зорилтын тухайд хөлгийн гишүүдийн эрүүл мэндэд сөргөөр нөлөөлөх үзүүлэлт юм.

АНУ-ын Сансар судлалын агентлагийн Артемис хөтөлбөр 2026 оны 9-р сараас өмнө саран дээр хүн буулгахаар зорьж байна. 2026 оны 9-р сарыг тодотгохын шалтгаан нь энэ огноо нь саран дээр нэгдсэн цагийн бүс хүчин төгөлдөр үйлчилж эхлэх хугацаан. АНУ-аас гадна БНХАУ энэ арван дуусахаас өмнө, Энэтхэг улс 2040 он гэхэд саран дээр хүн буулгахаа олон нийтэд зарласан билээ.