Холбооны бүгд найрамдах Герман улсын 45 дугаар хуягт бригад Литвийн нутаг дэвсгэрт байрших гэж байна. Энэ нь дэлхийн хоёрдугаар дайнаас хойш анх удаа өөр улсын нутаг дэвсгэрт удаан хугацаагаар байршиж буй тохиолдол юм. Энэ тухай Германы 45 дугаар хуягт бригадын командлагч, хошууч генерал Кристоф Хубер хэлэхдээ “Энэ бол НАТО-гийн төлөө, Литвийн төлөө, цаашлаад Европын аюулгүй байдлын төлөө хэрэгжүүлж буй үйл хэрэг юм. Энэхүү 45 дугаар хуягт бригад нь хэд,хэдэн батальоноос бүрдэх бөгөөд 5000 орчим цэрэг, энгийн ажилтантай байх юм. Бригадын командлалын байр Литва улсад аль хэдийнээ ашиглалтад оржээ.

ОХУ одоогоос гурван жилийн өмнө Украины газар нутагт халдан довтолсон нь Европ тивийн улс орнуудын батлан хамгаалах үзэл баримтлалыг өөрчилж, энэ төрлийн зардал нэмэгдэх гол шалтгаан болсон билээ.

Литва улс нь ОХУ-ын Калининград болон Беларусьтай хиллэдэг юм. Цэргийн ажиллагаа анх эхлэхэд Литва улс бүрэн эрхээ хамгаалах, болзошгүй аюулаас урьдчилан сэргийлэх ёстой гэж анх чанга дуугарч байсан улсуудын нэг билээ. Одоогоор энэ тухай ОХУ-ын талаас албан ёсны байр суурь илэрхийлээгүй байна.