Өмнөд Солонгосын Үндсэн хуулийн цэц орон нутгийн цагаар 11.00 цагт хуралдаж Ерөнхийлөгч Юн Сог Ёлыг албан тушаалаас нь шууд огцруулах шийдвэрийг баталлаа. Үндсэн хуулийн цэцийн найман гишүүн бүгд түүнд итгэл үзүүлэхээс татгалзжээ.

Үндэсний ассамблей 2024 оны 12 дугаар сарын 3-нд дайны байдал зарласных нь төлөө эх орноосоо урвасан хэмээн буруутгаж, Үндсэн хуулиар олгогдсон эрхийг ноцтой зөрчсөн гэж үзэн, огцруулах саналыг баталсан юм. Ийнхүү Үндсэн хуулийн цэц Үндэсний ассамблейн шийдвэрээс 111 өдрийн дараа Юн Сог Ёлыг албан тушаалаас нь огцруулж байна.

Өмнөд Солонгосын Үндсэн хуулийн цэц хамгийн сүүлд 2017 оны гуравдугаар сард Ерөнхийлөгч Пак Кын Хэ-г мөн адил огцруулж байсан юм.

Өмнөд Солонгосын Үндсэн хуулийн 68 дугаар зүйлд зааснаар шүүхийн шийдвэр гарснаас хойш 60 хоногийн дотор Ерөнхийлөгчийн сонгууль зохион байгуулах ёстой байдаг. Үүнээс харвал хуулийн хугацаа зургаадугаар сарын 3-ны өдөр дуусаж байгаа. Тиймээс энэ хугацаанд эсвэл түүнээс өмнө ч сонгууль зарлах магадлал өндөр байгаа юм. Цэцийн шийдвэр гарсан өдрөөсөө хүчин төгөлдөр байх тул Ерөнхийлөгч болон Тэргүүн хатагтай нар Ханнам-донг дахь Ерөнхийлөгчийн ордныг нэн даруй чөлөөлөх ёстой.