Японы “Кавасаки” компани устөрөгчийн хөдөлгүүртэй, хиймэл оюун бүхий дөрвөн хөлт “Корлео” роботоо танилцууллаа. Компани уг роботыг “Осака-Кансай” экспод оролцох үеэр олон нийтэд зарласан байна. “Корлео” робот нь бүх төрлийн газар орон, байгалийн бартаа, саад нугачааг туулах чадвартай, тухайн газар орны нөхцөл байдлыг богино хугацаанд тооцоолох чадвартай аж. Дөрвөн хөл нь тус бүрдээ өөрөөр хөдлөх зориулалттай тул бартаат замд ажрахгүй гэж үйлдвэрлэгчид нь хэлж байна.

Мотоциклийн загвараас санаа авсан “Корлео” загварыг хүн унаж болох бөгөөд толгой хэсэгт хяналтын самбартай. Уг самбар нь устөрөгчийн түвшин, навигаци, хөдөлгөөний түвшин зэргийг мэдээлдэг бөгөөд тухайн жолоочийн биеийн жинд зориулж түвшинг тааруулах боломжтой юм байна. Ингэснээр жолооч бусдыг удирдах бус робот нь тухайн хүний биеийн хөдөлгөөнд хариу үйлдэл үзүүлж, хүндийг төвийг шилжүүлэх, газар орны бартаа саадыг тооцоолон удирдах аж.

“Кавасаки” компани уг дөрвөн хөлт роботын хөгжүүлэлтийг ирэх 15 жилдээ хийж, 2050 он гэхэд бөөнөөр үйлдвэрлэх зорилт тавиад байна.