АНУ-ын виз мэдүүлэгчдийн зан төлөв, нийгмийн сүлжээний идэвхийг харгалзах үүднээс сошиал платформуудад нь судалгаа хийж, хяналт тавьж эхэлжээ. Учир нь АНУ-ын нутаг дэвсгэрт болзошгүй аюул нүүрлэхээс зайлсхийж ийнхүү виз мэдүүлэгчдийн сошиал хаягуудыг судлан, мониторинг хийх болсон байна. АНУ-ын Ерөнхийлөгч Дональд Трамп хоёр дахь бүрэн эрхээ хэрэгжүүлж эхэлснээс хойш визний бодлогоо чангалж байгаа юм. Үүний нэг илрэл нь АНУ-ын Төрийн департамент виз мэдүүлэгчдээс сүүлийн таван жилд ашигласан сошиал хуудаснуудын бүртгэл, хэрэглэгчийн нэрийг заавалт мэдүүлэхийг шаарддаг болоод байна. Энэ нь зөвхөн оюутан бус, аялал жуулчалын зорилгоор нэвтрэх, суралцах, гэрээт ажилтан, түр болон бүр оршин суух зэрэг бүх ангиллын виз мэдүүлэгчдэд адил үйлчилж байгаа юм. 

Сүүлийн хэдэн сар БНХАУ-ын голдуу хэд, хэдэн оюутны виз мэдүүлэхээс татгалзаж, улс төрийн нөхцөл байдлаас шалтгаалан нутаг буцаажээ. Түүнчлэн Персийн булангийн орнууд, Ойрх Дорнодын иргэдэд энэ асуудлаас шалтгаалан виз олгохгүй байгаа юм. АНУ-ын хувьд виз мэдүүлэгчдийн “Х”, “Инстаграм", “Фейсбүүк”, “ВиЧат” зэрэг платформуудыг нарийвчлан шалгах болжээ. Хэдийгээр хүний эрхийн байгууллагууд үүнийг эрх, эрх чөлөөнд халдсан үйлдэл гэж харж байгаа ч сүүлийн үед АНУ-д гарах болсон хувь хүний эрх чөлөөнд халдах гэмт хэрэгт ихээхэн нөлөө үзүүлэх шийдвэр гэж үзэж байна. Өнгөрсөн жилүүдэд нийгмийн сүлжээний хуудаснуудыг улс төрийн өнгө аясаар ашиглах, ялангуяа эрх баригч болон улс төрийн бүлэглэлүүдээс төлбөр авч улс төрийн байр суурь илэрхийлэх болсон тул ийнхүү нарийн шалгаж эхэлснийг эх сурвалжууд мэдээлжээ. 

Ташрамд дурдахад АНУ-тай төстэй бодлогыг Европын холбооны хэд, хэдэн улсад баимтлаад эхэлсэн байна. Цаашид Европын холбооны бүх улс даяар ийм бодлого баримталж магадгүй гэдгийг зарим хэвлэлүүд мэдээлжээ.