Сэтгэгдэл 0
Улсын Их Хурлын гишүүн Л.Мөнхбаатар Бүгд Найрамдах Польш Улсын парламент дахь Польш-Монголын парламентын бүлгийн дарга, Сеймийн гишүүн Станислав Горчыца тэргүүтэй төлөөлөгчидтэй 2025 оны 09 дүгээр сарын 30-нд уулзлаа.
Уулзалтын эхэнд Улсын Их Хурлын гишүүн Л.Мөнхбаатар Польш Улс Улаанбаатар хотноо Элчин сайдын яамаа сэргээн нээж, 2024 оноос консулын үйлчилгээг иргэдэд үзүүлж эхэлсэн нь хоёр орны харилцаа бүх талаар өргөжин хөгжихөд түлхэц болсныг тэмдэглээд энэхүү шийдвэрийг гаргахад тус улсын парламент дэмжлэг үзүүлсэнд талархлаа илэрхийлэв.
Мөн тэрбээр Бүгд Найрамдах Польш Улс Монгол Улсын боловсон хүчнийг сургахад байнга дэмжлэг үзүүлсээр ирснийг онцолж, Хууль зүй, дотоод хэргийн яамны харьяа цагдаа, хил хамгаалах, шүүх шинжилгээний байгууллагын албан хаагчдыг тус улсад суралцуулж, мэргэжил дээшлүүлэх сургалтад хамруулах, цаашлаад оюутны тоог тогтвортой нэмэгдүүлэх хүсэлтэй байна гэв.
Бүгд Найрамдах Польш Улсын парламент дахь Польш-Монголын парламентын бүлгийн дарга, Сеймийн гишүүн Станислав Горчыца Монгол Улсад дахин ирсэндээ баяртай байна гэв. Тэрбээр хоёр улсын харилцаа хамтын ажиллагаа парламентын бүлгүүдийн хооронд болон барилга, дэд бүтэц, боловсролын салбарт идэвхтэй өргөжиж байгаа нь төрийн албан айлчлалууд үр дүнд хүрч буйн илрэл гэлээ. Мөн тус улсад суралцах монгол оюутнуудын тоог нэмэгдүүлэх болон хууль зүйн салбарын албан хаагчдыг сургах, мэргэшүүлэх хүсэлтэд онцгойлон анхаарна гэдгээ мэдэгдлээ гэж Улсын Их Хурлын Хэвлэл мэдээллийн газраас мэдээллээ.
Уулзалтын эхэнд Улсын Их Хурлын гишүүн Л.Мөнхбаатар Польш Улс Улаанбаатар хотноо Элчин сайдын яамаа сэргээн нээж, 2024 оноос консулын үйлчилгээг иргэдэд үзүүлж эхэлсэн нь хоёр орны харилцаа бүх талаар өргөжин хөгжихөд түлхэц болсныг тэмдэглээд энэхүү шийдвэрийг гаргахад тус улсын парламент дэмжлэг үзүүлсэнд талархлаа илэрхийлэв.
Мөн тэрбээр Бүгд Найрамдах Польш Улс Монгол Улсын боловсон хүчнийг сургахад байнга дэмжлэг үзүүлсээр ирснийг онцолж, Хууль зүй, дотоод хэргийн яамны харьяа цагдаа, хил хамгаалах, шүүх шинжилгээний байгууллагын албан хаагчдыг тус улсад суралцуулж, мэргэжил дээшлүүлэх сургалтад хамруулах, цаашлаад оюутны тоог тогтвортой нэмэгдүүлэх хүсэлтэй байна гэв.
Бүгд Найрамдах Польш Улсын парламент дахь Польш-Монголын парламентын бүлгийн дарга, Сеймийн гишүүн Станислав Горчыца Монгол Улсад дахин ирсэндээ баяртай байна гэв. Тэрбээр хоёр улсын харилцаа хамтын ажиллагаа парламентын бүлгүүдийн хооронд болон барилга, дэд бүтэц, боловсролын салбарт идэвхтэй өргөжиж байгаа нь төрийн албан айлчлалууд үр дүнд хүрч буйн илрэл гэлээ. Мөн тус улсад суралцах монгол оюутнуудын тоог нэмэгдүүлэх болон хууль зүйн салбарын албан хаагчдыг сургах, мэргэшүүлэх хүсэлтэд онцгойлон анхаарна гэдгээ мэдэгдлээ гэж Улсын Их Хурлын Хэвлэл мэдээллийн газраас мэдээллээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.