Монгол Улсын Ерөнхийлөгч асан Ц.Элбэгдоржид холбогдох дуулиан сүүлийн үед нийгмийн сүлжээ болон хэвлэл мэдээллээр байнга дэгдэх болсон.

“Улаанбаатараас ярьж байна” нэвтрүүлгээр Ерөнхий сайд Л.Оюун-Эрдэнэ өнөөгийн системийн ялзралын гол буруутан нь Ц.Элбэгдорж гэж тодорхой хэлснээс хойш тэдний дунд хүчтэй маргаан дэгдээд байгаа юм.
Ерөнхийлөгчөөр ажиллах хугацаандаа хилийн чанадад дажгүй нэр хүнд олоод авсан Ц.Элбэгдорж англи хэл дээр ийн жиргэсэн нь олон улсад хандаж буй хэрэг бололтой. 

Тэгвэл өнөөдөр Ц.Элбэгдорж “Х” дахь хуудсандаа дараах зүйлийг англи хэл дээр жиргэснийг хөрвүүлбэл:
“Ардчиллын баян бүрд”-д маань юу тохиолдоно вэ? Олон хүн Засгийн газрын дэмжлэгтэй, мэдээллийн терроризмд тасралтгүй өртөж байна. Магадгүй энэ гэрэл зураг баталгаа нь биз ээ! Зүүн гар талаас Кремлийн дэмжлэгтэй Монгол Улсын Ерөнхий сайд Л.Оюун-Эрдэнэ. Баруун гар талаас түүний эцэг нэгт ах, Засгийн газрын пиарын нууц гар.”