Сүхбаатар дүүргийн Иргэний хэргийн анхан шатны шүүхийн 2020 оны 10 дугаар сарын 22-ны өдрийн шүүхийн шийдвэрээр “Чингис хаан банк”-иас 101.7 тэрбум төгрөгийг, мөн 2024 оны 02 дугаар сарын 05-ны өдрийн шүүхийн шийдвэрээр 1.8 тэрбум төгрөгийн хүүгийн орлогыг тус тус гаргуулж, нийт 103.5 тэрбум төгрөгийг Нийгмийн даатгалын ерөнхий газарт олгохоор шийдвэрлэсэн.

2025 онд Нийгмийн даатгалын үндэсний зөвлөлийн шийдвэрүүдийн дагуу 7.5 тэрбум төгрөгийн үнэ бүхий 11 ширхэг үл хөдлөх хөрөнгийг өр төлбөрт тооцон, мөнгөн хөрөнгөөр 2.7 тэрбум төгрөг шилжүүлснээр нийт 10.2 тэрбум төгрөгийн өр төлбөр барагдаж Чингис хаан банкны нийгмийн даатгалын санд төлөх өр төлбөрийн үлдэгдэл 85.0 тэрбум төгрөг болсон байна.

Хоёр банкны өрийг барагдуулах ажлыг эрчимжүүлэхээр Монгол Улсын Ерөнхий сайдын 2025 оны 75 дугаар захирамжаар ажлын хэсэг байгуулагдаж, тус ажлын хэсгийн хүрээнд Ерөнхий сайдын захирамжаар байгуулагдсан ажлын хэсгийн хүрээнд Капитал  банк болон  Чингис хаан банк ХХК-иас нийт 149.2 тэрбум төгрөгийн өр төлбөрийн үлдэгдлийг барагдуулах чиглэлээр холбогдох эрх бүхий байгууллагуудтай хамтран ажиллаж байна.

Чингис хаан банкны нийгмийн даатгалын санд төлөгдөх өр төлбөрт 11 ширхэг үл хөдлөх хөрөнгийн жагсаалтыг та бүхэнд ил тод, нээлттэйгээр танилцуулж байна.