Аж үйлдвэр, эрдэс баялгийн яамны Удирдлагын зөвлөлийн ээлжит шуурхай хуралдаан /2025.11.10/ боллоо. 
Хуралдаанд яамны газар, хэлтсийн дарга нар оролцож, өнгөрсөн хугацаанд хийж хэрэгжүүлсэн ажлын явц, үр дүн болон цаашид авч хэрэгжүүлэх арга хэмжээний талаар хэлэлцлээ.
Хуралдааныг Төрийн нарийн бичгийн дарга Б.Дашпүрэв удирдан явуулж, салбарын үйл ажиллагаанд тулгамдаж буй асуудал, ажлын гүйцэтгэлтэй танилцан дараах чиглэл, үүргийг холбогдох нэгж, албан тушаалтнуудад өглөө.
Үүнд:
• Орон нутгийн байцаагч нарын ажлыг сайжруулах, үүрэг даалгаврыг албажуулж хүргүүлэх;
• Жилийн хөгжлийн төлөвлөгөө, хууль тогтоомжийн биелэлтийн явцыг танилцуулж, дутуу байгаа ажлуудыг тодорхойлон, гүйцэтгэлийг хангах арга хэмжээ авах;
• Албаны нууцаас гаргах мэдээллийг нууцаас гаргаж, ил тод мэдээллэх;
• Засгийн газраар оруулах асуудлын хуваарийг нарийн мөрдөж ажиллах;
• ОХУ-д суралцах оюутнуудын сонгон шалгаруулалтыг ил тод, нээлттэй байдлаар зохион байгуулж, хариуцлагатай суралцах шаардлагыг бий болгох;
• Ашигт малтмалын талбай дүйцүүлэн олгох асуудлыг яаралтай танилцуулах;
• Албан бичгийн эргэлт, хяналтыг сайжруулах;
• Ёс зүйн сургалтын санал, зөвлөмжийн хэрэгжилтийг хангаж ажиллах;
• Албан хаагчдын ажлын байрны эмх цэгц, хувцаслалт, ажлын цагийн сахилга, харилцаа хандлагад анхаарч, эерэг уур амьсгалыг бүрдүүлэх;
• Авлигатай тэмцэх чиглэлээр Засгийн газраас гаргасан шийдвэрийг хэрэгжүүлж, байгууллагын цахим хуудсанд байршуулсан видео шторкийг түгээх ажлыг манлайлан зохион байгуулж, албан хаагчдыг идэвхитэй оролцуулах болон бусад дотоод ажлын талаар үүрэг даалгавар өгөв.
Хурлын төгсгөлд Төрийн нарийн бичгийн дарга Б.Дашпүрэв “Төрийн албан хаагч бүр ил тод, хариуцлагатай, авлигаас ангид байж, нэг багийн зарчмаар хамтран ажиллах нь чухал” хэмээн онцоллоо.