Өнөөдөр Сүхбаатар дүүргийн Иргэдийн Төлөөлөгчдийн Хурлын Төлөөлөгч, Засаг дарга М.Алтангэрэл  Би ай би  дисковери энержи ХХК-тай хамтын ажиллагааны санамж бичиг байгуулж, сэргээгдэх эрчим хүч, ухаалаг дэд бүтэц, цахилгаан тээврийн экосистем, ногоон хөгжлийн чиглэлд хамтран ажиллах зорилгоо баталгаажууллаа. Хамтын ажиллагааны хүрээнд талууд дараах үндсэн чиглэлүүдээр ажиллахаар тохиров. 
1. Сэргээгдэх эрчим хүчний ухаалаг дэд бүтэц байгуулах, нарны эрчим хүчээр ажиллах ухаалаг шилэн автобусны буудлыг туршилтаар суурилуулах, цаашид үе шаттайгаар өргөтгөх, сэргээгдэх эрчим хүчний системийн хяналт, мэдээллийн нэгдсэн төвийн шийдлийг боловсруулж, хэрэгжүүлэх, 
2. Цахилгаан автомашины дэд бүтэц хөгжүүлэх
Дүүргийн нийтийн болон хувийн хэвшлийн хэрэгцээнд зориулсан цахилгаан автомашины цэнэглэх станцын байршлыг хамтран судлах, төлөвлөх;
Цэнэглэх станцын тоног төхөөрөмжийн нийлүүлэлт, суурилуулалт, ашиглалт, засвар үйлчилгээний зохион байгуулалтыг хангах;
Хотын түгжрэлийг бууруулах болон ногоон тээврийн хэрэглээг дэмжих бодлоготой уялдуулан хөгжүүлэх
3. Ногоон хөгжлийн загвар төсөл хэрэгжүүлэх
Сургууль, цэцэрлэг болон төрийн үйлчилгээний барилгуудад эрчим хүчний хэмнэлттэй шийдлүүдийг нэвтрүүлэх боломжийг судалж, хамтын ажиллагааны төсөл хэрэгжүүлэх;
Ногоон хот төлөвлөлт, нойтон технологи, утаа бууруулах шийдлүүдийн чиглэлээр техникийн зөвлөгөө өгч дэмжих;
“Аж ахуйн нэгжийн орлогын албан татварын тухай хууль”-ийн дагуу нийгэмд чиглэсэн хөрөнгө оруулалтад хамаарах төсөл, хөтөлбөрийг хэрэгжүүлэхэд хууль эрх зүйн хүрээнд дүүргийн зүгээс дэмжлэг үзүүлэх гэх мэт. 
Энэхүү хамтын ажиллагаа нь Сүхбаатар дүүргийг ногоон хөгжил, ухаалаг дэд бүтэц, тогтвортой тээврийн шийдлийн загвар дүүрэг болгон хөгжүүлэхэд чухал алхам болох юм.  Талууд хамтын ажиллагааг бодитоор хэрэгжүүлж, иргэдэд хүртээмжтэй, байгаль орчинд ээлтэй шийдлүүдийг нэвтрүүлэх зорилт тавин ажиллана.