Нийгэм

ШИЛЭН ДАНСНЫ ТУХАЙ ХУУЛИЙГ ХЭРЭГЖИЛТИЙГ ХАНГАЖ АЖИЛЛАХАД АНХААРНА

2025/06/24
Нийгмийн даатгалын байгууллага шударга, ил тод нээлттэй байх зарчмыг байгууллагын эрхэм зорилгоо болгон ажиллаж байна. Шилэн дансны тухай хуулийн хэрэгжилтийг хангаж ажиллахтай холбогдуулан Нийгмийн даатгалын ерөнхий газрын дарга Б.Батжаргал, Гэр бүл, хөдөлмөр нийгмийн хамгааллын яамны Хяналт шинжилгээ, үнэлгээ дотоод аудитын газрын ахлах мэргэжилтэн П.Батжаргал болон НДЕГ-ын газрын дарга нар, мэргэжилтнүүд, 21 аймаг, 9 дүүргийн нийгмийн даатгалын газрын дарга нар, холбогдох албан хаагч нартай цахим хурал хийлээ.
Шилэн дансны тухай хуульд заасны дагуу нийт 29 төрлийн мэдээллийг олон нийтэд ил тод нээлттэй мэдээллэх ёстой. Нийгмийн даатгалын салбарын хэмжээнд 2025 оны 01 дүгээр сараас 05 дугаар сарын байдлаар Шилэн дансны хуулийн хэрэгжилттэй холбоотой дараах зөрчлүүд илэрсэн байна. Тухайлбал:
- Орлого зарлагын тайлан мэдээлэл дутуу тайлагнах;
- Тайлан мэдээг хугацаа хоцроож тайлагнах;
- Сар бүр тогтмол тайлагнах мэдээллийг дутуу эсвэл тайлагнахгүй орхих;
- Буруу цэсэнд өөр мэдээлэл тайлагнах зэрэг болно.
Иймд дээрх алдаа, зөрчлийг дахин гаргахгүй байхад анхаарч, 2025 оны 06 дугаар сарын 30-ны өдрийн дотор дутуу алдаатай мэдээллээ залруулан, орлого зарлагын тайлан мэдээ, гэрээ хэлэлцээр, худалдан авах ажиллагаатай холбоотой мэдээллийг www.shilendans.gov.mn сайтад оруулж, хууль хэрэгжүүлж ажиллахыг Нийгмийн даатгалын ерөнхий газрын дарга үүрэг болголоо.

Холбоотой мэдээ

Богдхан уулын дархан цаазат газарт гарсан ой, хээрийн түймрийг цурамд оруулжээ
Баянхошуу, Шархад дэд төвийн ногоон орон сууцны бүтээн байгуулалт эрчимтэй үргэлжилж байна
БНСУ-д суралцахаар ирж буй гадаад иргэдийн тоо 4 жилийн хугацаанд 6 дахин өсжээ

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0