Энэхүү арга хэмжээнд Нийгмийн даатгалын ерөнхий газрын дарга Б.Батжаргал, Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлийн дарга Т.Лхагвадорж, Нийгмийн эрүүл мэндийн үндэсний төвийн захирал Л.Баттөр, Стратеги, удирдлагын албаны дарга Л.Нямсүрэн болон холбогдох албан тушаалтнууд оролцов.

Санамж бичгийн хүрээнд хөдөлмөрийн чадвар алдалтад хүргэж буй суурь шалтгаан, нөхцөлийг тандан судалж, эрсдэлт хүчин зүйлийг үнэлэх, илрүүлэх, судалгааны үр дүн, нотолгоонд суурилсан эрүүл мэндийг дэмжих хөтөлбөр болон урьдчилсан сэргийлэх арга хэмжээг хамтран хэрэгжүүлж хөдөлмөрийн чадвар алдалтад хүргэж буй өвчлөлийн бодит байдал, эдийн засагт учруулж буй шууд ба шууд бус зардлыг тодорхойлох чухал ач холбогдолтой юм.