Нийгэм

ХӨДӨЛМӨРИЙН ЧАДВАР АЛДАЛТЫН ХУВЬ, ХУГАЦААГ ШИЙДВЭРЛЭХ ҮЙЛ АЖИЛЛАГААНД SICOS СИСТЕМИЙГ НЭВТРҮҮЛЛЭЭ

2025/10/15
Иргэний хөдөлмөрийн чадвар алдалтын хувь, хугацааг шийдвэрлэх үйл ажиллагааг цахимжуулах, эрүүл мэндийн байгууллагатай мэдээлэл солилцох боломжийг бүрдүүлэх зорилгоор салбар болон аймаг, дүүргийн Эрүүл мэндийн магадлалын зөвлөлийн шинэчилсэн программыг нэвтрүүлэх ажлыг эхлүүллээ.
Уг ажлын хүрээнд Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлөөс Мэдээллийн технологийн төвтэй хамтран аймаг, дүүргийн Нийгмийн даатгалын газрын дэргэдэх Эрүүл мэндийн магадлалын зөвлөлийн нийт 90 гаруй дарга, гишүүдэд шинээр нэвтрүүлж буй программын ашиглалтын талаарх цахим сургалтыг 2025 оны 10 дугаар сарын 14-ний өдөр зохион байгуулав.
Сургалтаар эрүүл мэндийн магадлалын шинээр нэвтрүүлж буй программын системийн боломж, давуу тал, хэрэглэгчийн эрхийн тохиргоо, мэдээллийн нууцлал, хамгаалалтын талаар дэлгэрэнгүй мэдээлэл өгч, дадлага сургалт явуулав.
Мөн сургалтын үеэр оролцогчид системийн ашиглалттай холбоотойгоор бодит цагийн горимд ажиллаж, программын хөгжүүлэлт, сайжруулалттай холбоотой асуудлаар санал солилцов.

Холбоотой мэдээ

Монголын оюутнууд дэлхийн шилдэг их сургуулиудад суралцах түүхэн боломж нээгдлээ
Хөгжлийн бэрхшээлтэй хүний эрхийг хангах Дэд зөвлөл хуралдав
Буйр нуурт усан замын тээврийн “Хяналтын пост” ашиглалтад орлоо

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0