Нийгэм

ЁС ЗҮЙН ДЭД ХОРООДЫН ЦАХИМ УУЛЗАЛТЫГ ЗОХИОН БАЙГУУЛЛАА

2025/11/07
Нийгмийн даатгалын ерөнхий газрын Ёс зүйн дэд хорооноос салбарын нийт Ёс зүйн дэд хорооны дарга, гишүүдийг оролцуулсан цахим уулзалтыг зохион байгууллаа. Уулзалтад аймаг, дүүргийн Ёс зүйн дэд хороодоос нийт 155 гишүүн цахимаар оролцлоо.
Ёс зүйн Дэд хороод нь Төрийн албан хаагчийн ёс зүйн тухай хууль, Монгол Улсын Ёс зүйн хорооны 2024 оны 05 дугаар тогтоолоор баталсан "Ёс зүйн дэд хорооны ажиллах журам"-ыг мөрдөн ажиллаж байна. Өнгөрсөн хугацаанд Нийгмийн даатгалын салбарын хэмжээнд Ёс зүйн 31 Дэд хороо байгуулагдан ажиллаж байна.
Цахим уулзалтаар Ёс зүйн дэд хороодын бүтэц, зохион байгуулалт, үйл ажиллагаанд анхаарах асуудлууд, 2025 оны төлөвлөгөөний биелэлтийн талаар Нийгмийн даатгалын ерөнхий газрын Ёс зүйн дэд хорооны дарга Ц.Ганцэцэг дэлгэрэнгүй мэдээлэл хийж, зөвлөмж, чиглэл өглөө.
Мөн тус хорооны нарийн бичгийн дарга М.Гэрэлмаа Төрийн албан хаагчийн ёс зүйн тухай хууль, "Ёс зүйн дэд хорооны ажиллах журам"-ыг хэрэгжүүлэн ажиллахад анхаарах асуудлууд сэдвээр мэдээлэл хийж, гишүүдийн асуултад хариулт өгч харилцан мэдээлэл солилцлоо.
Нийгмийн даатгалын салбарын ажилтнууд нь иргэд, даатгуулагчдад үйлчилж, төрд чин үнэнчээр зүтгэх эрхэм зорилгоо ухамсарлаж, төрийн ажил үүргийг гүйцэтгэхдээ хуулиар тогтоосон ёс зүйн хэм хэмжээг чандлан биелүүлэх үнэт зүйлс, соёлыг төлөвшүүлж, төрөө дээдлэх, иргэд, даатгуулагчдынхаа итгэлийг бэхжүүлэх үүрэгтэй.

Холбоотой мэдээ

“Импортын барааны гаалийн албан татварын хувь, хэмжээ батлах тухай” УИХ-ын тогтоолд нэмэлт оруулах тухай тогтоолын төслийг өргөн мэдүүлэв
Лаг шатаах үйлдвэр төслийн бүрэн шинжилгээний ажлын хэсэг техник, санхүү болон хууль эрх зүйн нарийвчилсан судалгааг эхлүүлээд байна
Орон сууц захиалгын луйвар, залиланг таслан зогсоох хуулийн төслийн хэлэлцүүлэг боллоо

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0