Монгол Улс, БНХАУ-ын хамтарсан “Талын түнш-2024” цэргийн хээрийн сургуулилтанд оролцох Хятадын талын цэргийн эхний цуваа Өвөр Монголын Өөртөө Засах Орны умард хэсгээс Дорноговь аймгийн газар нутгийг зорин энэ сарын 06-ны өдрийн 11:18 цагт хөдөлжээ. Хятадын талын цэрэг гурван цуваанд хуваагдан төмөр замаар орж ирэх юм.

Хээрийн сургуулилтанд Хятадын Ардын чөлөөлөх армийн 79-р бүлэг армийн зэвсэгт хүчний алба хаагчид оролцож, зэвсэгт халдлага, цэргийн ажиллагаанд дэмжлэг үзүүлэх, тээврийн дэмжлэг гэх мэтчилэн олон янзын тусгай элементүүдийг хэрхэн гүйцэтгэх сургуулилтыг явуулна.

Илгээж буй батальоны дайтай бүрэлдэхүүнийг дагалдан олон янзын зэвсэг, дугуйт техникүүд оролцох нь “Талын түнш-2024” цэргийн хээрийн сургуулилтанд анх удаа ашиглана. Хууль бус зэвсэг бүлэглэлийн үйл ажиллагаатай хэрхэн тэмцэхэд чиглэж буй уг хамтарсан цэргийн хээрийн сургуулилт нь хоёр талын цэрэг армийн стратегийн итгэлцэл, бодит хамтын ажиллагааг лавшруулж, бүс нутгийн энх тайван, тогтвортой байдалд эерэг хандлага бий болгох зорилготой юм.